香港米芝蓮一星印度菜 冇得輸✨✨✨✨✨

- 𝘾 𝙃 𝘼 𝘼 𝙏 🕌 #throwback to one of the best meals I've had last month! Finally managed to get a highly sought-after table at Chaat and it became Michelin Guide 2022 one star restaurant. 想講我係個幸運又受寵愛既一月壽星妹 因為朋友竟然係二月即興book 到 Chaat 同我補祝❤️ 原本諗住果日可以影到多啲令相 可惜落大雨 就算坐窗口位都係咩都影唔到.. 其實成個環境都好令 好有印度色彩的~ 🤌Baked Samosa - Jackfruit meat ($168) 最期待 最滿意 最驚喜 既就係呢個❤️ 第一次食咖哩角係用大樹菠蘿做餡料 咖哩味香濃 + 大樹菠蘿甘甜 + 青蔥乳酪醬= ✨✨✨ 讚喔💕 🤌 Burnt Chili Chicken Tikka ($198) 就咁睇賣相 原本以為係會好乾身 點知食落 肉質係好嫰滑多汁 又香口 最特別係個醬汁 用左紅菜頭酸辣醬 雞肉配上又甜又酸辣既味道 又幾開胃 真係個意外地好好食✨！ 🤌Salem Fish Curry ($288) 呢個其實幾好味 魚肉都好嫰滑 又有好重既椰奶味 但對我黎講好辣 所以主要畀朋友食晒 食開譚仔中辣既佢表示一啲都唔辣🙂 （大家可以自行參考番） 🤌 Garlic Naan ($88) 其實我原本唔係好中意食naan 因為覺得冇味 又好乾淨淨 係朋友既堅持下 都覺得難得黎到都應該試下既.. 點知！ 呢度個naan 係煙韌又有咬口 蒜味好重 配埋咖喱一齊 / 單獨食都很可以！ 第一次我係會食晒成兜Naan 🫣 🤌Adraki Gobhi Aloo ($138) 其實係咖哩薯仔花椰菜 好索汁 惹味的 同樣都係對我黎講太辣 而朋友表示一啲都唔辣🙂 🤌 Pistachio Pudding Kulfi ($88) 較為少少失望既係個甜品 個開心果雪條係好正 勁rich 既開心果味 但係個人唔太理解雪條下面既幼麵.. 本身以為都係甜品 只係麵咁既樣 但食落真係麵... 有冇人可以話我知係咪特色黎...🙂 🍸 The Queen's Stepwall ($170) Rum | Cumin | Pineapple 一開頭飲落去 會覺得比較難接受到個味道 之後飲飲下又ok 可能因為食完油膩野 再飲呢個有孜然獨有既味道同菠蘿酸甜 去中和番 其實成件事都幾夾 幾舒服👍 🍸 The Lake of Jewel ($170) Gin | Saffron | Pandan 同樣地都係一開始比較難接受到 之後就ok 可能因為係印度式既沖法（？） 味道上都會比較重 而呢個既斑蘭味都係好突出 但個人會比較中意飲上面果個~ 整體黎講 食完真係會明白點解一枱難求 每樣食物都重新令我對印度菜有唔同既感覺 （簡稱食得咀雕左lol） 有冇人知仲有邊度有好味既印度菜值得一試🤤🤤 - 📍CHAAT 尖沙咀梳士巴利道18號香港瑰麗酒店5樓 - #lamchelin #foodie #尖沙咀 #米芝蓮一星 #香港印度菜 #chaat #rosewoodhk #本地遊 #香港好去處 #lamchelin_indian #印度菜finedining #lamchelin_tst #rwjourneys #林芝蓮最喜愛印度菜排行榜